Mats Zuccarello veit ikkje om det blir meir Noreg-spel i framtida.
I august var Zuccarello endeleg tilgjengeleg igjen for ishockeylandslaget. Målet var å hjelpe Noreg til Beijing-OL i februar, men draumen brast med tapet for Danmark i gruppefinalen i kvalifiseringa.
Sjølv gir han ikkje eit tydeleg svar på om han held fram.
– Vi får sjå om kroppen held. Ein blir eldre, og det er lange sesongar. Spesielt denne sesongen her med OL-pause og kampar nesten annankvar dag i tre månader i strekk, sa Zuccarello til NTB etter Minnesota Wilds seier borte mot New Jersey i NHL onsdag.
Svaret kom på et spørsmål om han ville vere klar for Noreg dersom det likevel skulle bli OL-spel på nyåret. Det er framleis ikkje 100 prosent avklart om vertsnasjon Kina får delta. Skulle kinesarane miste plassen, går den til det norske laget.