Vinterleikane for studentar, vinter-universiaden i Luzern i Sveits, er avlyst som følgje av korona-varianten omikron.
Universiaden er ein multi-idrettskonkurranse i vinteridrettar, som blir arrangert annakvart år.
Årets skulle ha vore den 30. i rekke, og skulle eigentleg vore avvikla i januar, men blei utsett til desember på grunn av covid-epidemien.
Arrangementet skulle opna 11. desember og pågått i ti dagar. Men på grunn av omikron og innstrammingar i reise til Sveits, er arrangementet no avlyst, mindre enn to veker før det skulle ha starta.