Viktor Hovland gjekk andrerunden i europeatour-turneringa i Abu Dhabi to slag over par, og greidde dermed ikkje å følgje opp den sterke opningsrunden torsdag.
Likevel låg Hovland på andreplass då han var ferdig med fredagsrunden, med seks slag under par. Det er tre bak leiande Scott Jamieson, men han er blant dei mange som enno ikkje er i gang med dagens runde.
Hovland fekk bogey på sitt andre hol, følgde opp med ein birdie, så kom ny bogey. På resten av runden fekk han ein bogey, resten var på par.
Espen Kofstad låg på par før dagens runde. Men han låg tre slag over par halvveges. Han er enno ikkje ferdig, men ligg an til å ikkje greie kutten, og får i så fall ikkje vere med i avslutta laurdag og søndag.
Vinden skapte problem både for Hovland og dei andre som spela sine rundar tidleg i Abu Dhabi fredag. Vermedlingane spår at vinden skal vedvare, slik at også dei som skal spela seinare på dagen, kan få problem.