Sykkelrittet Tour of Scandinavia vil behalde sitt slagord «Battle of the North» i nokre samanhengar trass i krigen i Ukraina.
Opphavleg var meininga å lansere det kvinnelege storrittet som «Battle of the North», men arrangøren kunngjorde at det skulle bort på grunn av krigen i Ukraina.
I tysdagens pressemelding om ny sponsor blei rittet likevel presentert som «Tour of Scandinavia – Battle of the North».
– Det er et forsøk på ikkje å skape forvirring. Det kan bli det etter tre års merkevarebygging. Vi kjem til å «brande» Tour of Scandinavia i alle flater. I nokre samanhengar vil det vere «Battle of the North», opplyser dagleg leder for rittet Roy Moberg til NTB.
Rittet går over seks dagar med start i København. Neste etappe er i Sverige før de fire siste går på Austlandet i Noreg. Rittet blir arrangert frå 9. til 14. august.