Fleire kvinnelege idrettsstjerner har dei siste åra måtta ta pause frå idretten på grunn av helsesituasjonen. Det uroar landslagslegen til svenskane i langrenn.
– Det er den største utfordringa vår i uthaldsidrettane no. Spesielt blant jenter. Det er òg gutar som har støtt på problemet, men vi ser at det er meir vanleg hos jenter. Dessverre har vi ikkje noko godt svar på kvifor det er sånn, seier Per «Pliggen» Andersson, lege for det svenske langrennslandslaget og for Sveriges olympiske komité (SOK), til nyheitsbyrået TT.
Andersson peikar på to allereie kjende tilfelle: Norske Ingvild Flugstad Østberg og svenske Frida Karlsson.
Andre idrettsleiarar TT har snakka med, stadfestar at problemet er utbreidd, og at mørketala kan vere store.
– Det er ein tausheitskultur rundt problematikken som er øydeleggjande. Dette er svært vanskelege samtalar med personar som er i fare for å, eller som allereie har, kryssa grensa. Det er viktig å finne det grunnleggjande problemet om ein skal inn i denne diskusjonen, seier han.