Kateryna Monzul frå Ukraina skal dømme Noregs kamp mot Austerrike i fotball-EM for kvinner fredag.
Ho har fått mykje merksemd for den dramatiske flukta frå Kharkiv etter den russiske invasjonen. Etter å ha forlate heimlandet har ho hatt dommaroppdrag i italiensk serie A for kvinner.
Monzul har sidan 2020 dømt både landskampar og europacupkampar for menn. I fjor haust vart ho første kvinne som har dømt Englands landslag for menn då ho leidde VM-kvalifiseringskampen mot Andorra.
Ho har dømt Noregs kvinnelandslag ved fleire høve tidlegare, mellom anna då Danmark vart slått på straffespark etter 1–1 i EM-semifinalen i 2013. Ho var også dommar då motstandaren fredag, Austerrike tapte EM-semifinalen i 2017 på straffespark etter 0–0 mot Danmark.