Lagsjefen i UAE, Matxin Joxean Fernández, har testa positivt på korona og reiser heim frå Tour de France.
Det stadfestar Fernández sjølv på Twitter. Laget har tidlegare i rittet mista både Vegard Stake Laengen og George Bennett etter positive koronaprøver.
Før den 10. etappen tysdag testa også Rafal Majka positivt på korona, men på grunn av låg risiko for vidare smitte fekk polakken halde fram.
Kapteinen på laget Tadej Pogacar mistar med det endå ei sentral brikke i laget. Onsdag mista han den gule leiartrøya til Jonas Vingegaard etter å ha vorte distansert opp Col du Granon.