Tromsø passerte fleire lag med 2-1-sigeren over jumbo Kristiansund, og er nummer 9 på tabellen.
Ruben Yttergård Jenssen sette inn 1-0 etter 26 minutt og Jesse Tuominen dobla sju minutt etter pausen.
Sander Kartum reduserte etter 68 minutt, og Kristiansund pressa mot slutten, men makta ikkje å utlikne.
– Vi gjer ein flott innsats i dag mot eit KBK som er på opptur. Det er viktig å få dei poenga, og så må vi ha fokus på neste kamp, sa Tromsø-trenar Gaute Helstrup til Discovery.
Nordmøringane forverra dermed situasjonen, og er 13 poeng unna trygg plass på tabellen.