Brann er framleis utan tap i 1. divisjon, og slo Raufoss 3–0 i Bergen søndag. Fredrik Pallesen Knudsen gav Brann 1–0 i første omgang, og Aune Heggebø plussa på med to mål i løpet av dei ti siste minutta.
Brann har 16 poeng ned til Ranheim på andreplass og 18 til Sandnes Ulf på tredje etter 19 serierundar.
Både Ranheim og Ulf tapte poeng søndag. Ranheim spela 1–1 i Fredrikstad, og Ulf tapte 2–3 for KFUM Oslo.
KFUM avgjorde med tre mål på fem minutt midt i andre omgang, og er nummer fire.
Stabæk forverra sin situasjon ved å tape 2–3 for nedrykkstrua Stjørdals-Blink, og slapp Sogndal heilt opp i ryggen. Sogningane slo til med 4–0 i bortekampen mot Mjøndalen.
Grorud er solid plassert i botnen, og er framleis utan siger etter 1–2 for Bryne. Også Blink er under streken, trass sigeren, ettersom Skeid slo Åsane 2–0.