Golfprofilen Tiger Woods treng meir tid til å få kroppen i slag og deltar ikkje i neste US Open neste veke.
Det opplyser amerikanaren via Twitter. Skadeplaga Woods gjorde eit sensasjonelt comeback i US Masters i april, men er framleis ikkje i toppform.
– Eg har informert USAs golfforbund om at eg ikkje deltar i US Open fordi kroppen min treng meir tid til å bli sterk nok for major-golf. Eg håpar og planlegg å kunne spele i Irland og i British Open i neste månad. Eg er veldig ivrig etter å komme tilbake snart, skriv Woods.
46-åringen deltok også i PGA-meisterskapen i mai, men då trakk han seg på grunn av smerter i beinet.
Woods var involvert i ei alvorleg bilulykke i Los Angeles i fjor og måtte opererast for beinbrot. Han har også vore gjennom fleire ryggoperasjonar.