Det blir den polske verdseinaren Iga Swiatek og tunisiske Ons Jabeur som skal møtest i finalen i US Open laurdag.
Femterangerte Jabeur slo franske Croline Garcia relativt enkelt med 6-1, 6-3 i semifinalen i natt. Kampen var over etter berre ein dryg times spel.
Ho er den første frå Afrika nokosinne som når finalen i US Open. Men ho var også i finalen i Wimbledon i sommar.
Swiatek fekk meir bry med belarussiske Aryna Sabalenka i ein kamp som gjekk til tre sett. Swiatek vann til slutt med 3-6, 6-1, 6-4. Også ho er den første kvinna frå sitt land som tek seg til finale i US Open.
Dei to finalistane har møtt kvarandre berre fire gonger tidlegare, med to sigrar til kvar.