Vipers måtte slå Györ for å ha ein sjanse på direkte avansement til meisterligakvartfinalene i handball. Det er framleis mogeleg etter laurdagens 30-29-seier.
Vipers Kristiansand rykka opp til andreplassen som gir kvartfinale, men franske Metz kan ta tilbake posisjonen om dei slår tabellfirar CSKA Moskva. Dei møtes først søndag når gruppe B skal avgjerast.
Blir det tredjeplass på Vipers, må tittelforsvararane i omspel om plass i sluttspelet. Der vil dei i så fall møte Borussia Dortmund, som kjem til å ende på sjetteplass i gruppe A.
Sigeren over suverene Györ viser uansett at Vipers kan bli å rekne med.
Den ungarske tabelleiaren kom til kampen med 13 strake sigrar i meisterligaen, men laget med Stine Bredal Oftedal, Silje Solberg, Veronica Kristiansen og Kari Brattset Dale i stallen måtte gi tapt mot Vipers.