Oliver Solberg fekk det tøft på siste dag av Safari Rally Kenya i Nairobi søndag og enda til slutt på 10.-plass, fire plassar ned frå dagen før.
Solberg klatra opp til 6.-plass etter gårsdagens fartsprøver, og låg 12.19 minutt bak leiaren, finske Kalle Rovanperä.
På den siste dagen av Rally Kenya hadde Solberg tidvis store problem. Han sleit med ei rekke tidsstraffer, og hadde også problem med bilen i løpet av dei seks siste fartsprøvene.
Rovanperä vann føre britiske Elfyn Evans og Takamoto Katsuta frå Japan. Solberg enda til slutt 37 minutt bak finnen.
Safari Rally Kenya er den sjette av totalt 13 rundar i verdsmeisterskapen i rally.