Supertalentet Juray Slafkovsky (17) scora to nye mål då Slovakia tok OL-bronse i ishockey ved å knuse Sverige 4–0. Han er mestscorande i turneringa.
Slafkovsky er venta å bli vald svært tidleg i NHL-draften i sommar. Han har overtydd stort i OL-turneringa og scora sitt sjette og sjuande mål i bronsekampen.
Finland klarte å temme han i semifinalen og tok seg til finale med 2-0-siger, men ungguten slo kraftig tilbake i bronsekampen mot eit Tre Kronor som fredag måtte sjå finaleplassen gleppe etter straffedrama mot ROC.