Norge slo Skottland 7-4 i sin tredje kamp i curling-VM i Las Vegas, og står med to sigrar og eitt tap så langt.
Norge kom skeivt ut, men tok leiinga 3-2 ved å stele to poeng i fjerde omgang.
Den leiienga gav ikkje Magnus Ramsfjell og hans lag frå seg, og med to poeng i niande omgang var stillinga 7-4. I den siste omgangen gav skottane opp.
Tidlegare i VM har Norge slått Sør-Korea 7-3 og tapt 7-8 for Canada.
Norge møter Tsjekkia klokka 18 i kveld (norsk tid), og USA komande natt.