Arrangøren satsar på opp til 80 prosent av tilskodarkapasiteten under handball-VM.
– 80 prosent, svarer VMs pressesjef José Antonio Hurtado på NTBs spørsmål om kor mange som slepp inn på tribunane.
Det kan komme til å endre seg. Styresmaktene i Valencia-regionen (der Noreg skal spele) vedtok måndag å påleggje koronapass-sjekk mellom anna for besøk i barar og restaurantar, kino og konsertar. Det er venta at også idrettsarrangement vil falle inn under same protokoll.
Koronapass-kravet vil truleg gjelde frå slutten av denne veka.
Noreg spelar puljespel og hovudrunde (totalt seks kampar) i Castellón. Der vil det maksimalt kunne komme inn 4100 tilskodarar så lenge 80-prosentprinsippet gjeld.