Det europeiske fotballforbundet (Uefa) straffar PSV Eindhoven ved å forby klubben å selje billettar til deira neste bortekamp i Europaligaen. Den blir spelt mot Bodø/Glimt på Aspmyra neste veke.
Straffa kjem som følgje av supporterbråket i PSVs bortemøtet med Arsenal førre torsdag. Nederlendarane blir også bøtelagde med 40.000 euro, som svarer til 413.000 kroner.
Uefa grunngir bota med at PSV-tilhengjarar skal ha kasta gjenstandar, skapt forstyrringar i folkemengder og gjort øydeleggjande handlingar på stadion. Dei er også bedne om å kontakte Arsenal innan 30 dagar for å gjere opp for skadane som vart forårsaka.
Nyheita frå Uefa kom nokre timar før laga møtest i Nederland. PSV speler mot Glimt på Aspmyra i siste puljekamp 3. november.
(©NTB)