Frankrike-stjerna Paul Pogba mister lagets to neste VM-kvalifiseringskampar med lårskade. Han kan òg gå glipp av kampar for Manchester United.
Det franske laget opplyser på Twitter at Pogba er ute, og at Jordan Veretout er henta inn som erstattar.
Frankrike møter Kasakhstan laurdag og Finland tysdag i VM-kvalifiseringa. Nasjonen er så godt som klar for neste års sluttspel i Qatar.
For klubblaget United har Pogba sona suspensjon dei siste to kampane etter å ha vorte utvist mot Liverpool. Om han ristar av seg lårskaden, kan han tidlegast spele borte mot Villarreal i Meisterligaen 23. november.