Styret i Premier League godkjende i kveld planene om sal av Chelsea frå Roman Abramovitsj til eit amerikansk konsortium, leia av Todd Boehly.
Klubben blei lagt ut for sal som følgje av britiske sanksjonar mot russiske oligarkar. Eit vilkår er at Abramovitsj sjølv ikkje skal tene noko på salet.
Fleire medium har meldt at avtalen skal vere verd nærmare 50 milliardar kroner. Avtalen mellom partane blei inngått 7. mai.
Men salet er framleis avhengig av godkjenning frå styremaktene..
Før eit sal er gjennomført, har ikkje Chelsea lov til å tene pengar. Klubben er driven på ein spesiell lisens, som går ut 31. mai.