Kevin Horgmo (25) frå Åmot i Buskerud blei i helga fransk meister i motocross i klassen MX-1. 25-åringen bur i Frankrike og konkurrerer for det franske profflaget Honda SR Motoblouz.
Horgmo vann dei tre første heata i serien på seks, og trass i at han skada seg på trening før siste runde, klarte nordmannen å vinne samanlagt til slutt.
I VM denne sesongen har Horgmo vore mellom dei ti beste, men han måtte stå over to VM-løp, etter at han fekk skuldra ut av ledd tidlegare i vår.
Mor Gro Horgmo opplyser til NRK at det er planen at han skal operere etter sesongen. Dette er femte gong skuldra gjekk ut av ledd.