Den tidlegare NFL-stjerna og Superbowl-vinnaren Demaryius Thomas vart torsdag funnen død i heimen sin i Georgia. Han vart 33 år gammal.
Ifølgje politiet er det ikkje mistanke om noka kriminell handling i samband med dødsfallet.
– Det vi veit til no er at dødsfallet har ei medisinsk årsak, seier pressetalsperson Tim Lupo for politiet i Roswell i delstaten Georgia.
Thomas la opp tidlegare i år. Han toppa karrieren som såkalla wide receiver (mottakar) med siger i NFL-finalen Superbowl for Denver Broncos i 2016.