Brasils fotballstjerne Neymar skåra to kontrollerte mål på straffespark i 5-1-sigeren over Sør-Korea. Han er fire mål unna legenda Pelés rekord.
Brasil hadde full kontroll i privatlandskampen i den sørkoreanske hovudstaden Seoul. Måla til Neymar gjer at han har 73 mål med flagget på brystet. Pelé enda med 77 landslagsmål.
Brasil, som toppar Fifa-rankinga, stilte sterkt og tok føringa i kampen omgåande. Etter sju minutt var 1-0-leiinga eit faktum.
Hwang Ui-jo reduserte før Neymar sørgde for 2–1 før pause. Han fekk sitt andre mål tolv minutt ut i andre omgang. Philippe Coutinho og Gabriel Jesus skåra også for Brasil.
Brasil møter Japan i Tokyo til måndag. Sør-Korea møter Chile same dag.