Nederland har gjort tre endringar i troppen til VM-kvalifiseringskampane i fotball mot Montenegro og Noreg.
Joël Drommel (keeper), Steven Berghuis og Jurriën Timber har trekt seg grunna skader og sjukdom. Dei to sistnemnde starta bortekampen (1–1) mot Noreg i september.
Steven Bergwijn, Jasper Cillessen (keeper) og Devyne Rensch kom inn i troppen, ifølgje avisa De Telegraaf. Nederlendarane starta si samling for fullt med ei open trening i Zeist tysdag.
Nederland leier gruppa og har 19 poeng. Bak følgjer Noreg (17) og Tyrkia (15).