Lionel Messi er klar og skal starte for Argentina i toppkampen i den søramerikanske VM-kvalifiseringa tysdag, opplyser Argentinas landslagssjef Lionel Scaloni.
Messi er kvitt kne-og hamstingsskaden som har sett han utanfor dei siste kampane til klubblaget PSG, og spela 14 minutt mot Uruguay laurdag.
Dei to stormaktene er klart i teten i VM-kvalifiseringa i verdsdelen. Brasil er allereie klar, Argentina må vinne ein kamp til.
Den første kampen mellom dei to måtte avbrytast då det kom for ein dag at fleire av dei argentinske spelarane hadde brote karantenereglane ved innreise til Brasil. Det er ikkje avgjort når kampen skal spelast.