Petter Northug held fram med å gå på rulleski på svenske vegar. Søndag stiller han til start på det ni mil lange rennet i Värmland.
I slutten av august hamna Northug på 42.-plass i Alliansloppet i Trollhättan. Då gjorde han unna 48 kilometer, og rennet vart vunne av heimehåpet Max Novak.
Søndag prøver Northug seg på nytt i Värmland. Det melder det svenske nyheitsbyrået TT.
Førre månad gjekk Northug òg to andre rulleskirenn. Han gjorde comeback i ein lagkonkurranse i Blink-festivalen 8. august, og snautt to veker seinare kom han på 65.-plass i ein konkurranse i Toppidrettsveka. Novak dominerte begge gonger.
Northug la opp som langrennsløpar i 2018.