LSK Kvinner tapte 1-2 for Kolbotn i toppserien søndag, og taper endå meir terreng i kampen om den fjerde og siste plassen i topp-sluttspelet.
LSK låg under 0-2 ved pause. Dei reduserte tidleg i andre omgang, men makta aldri å ta poeng.
Dermed er det fem poeng opp til Lyn på fjerdeplass. Lyn slo Røa 3-1. Lyn leia komfortabelt 3-0 før botnlaget reduserte.
Mellom dei to ligg Stabæk, som slo Avaldsnes 2-0. Stabæk har to poeng meir enn LSK, men har også spela ein kamp meir.
Rosenborg heng godt med tettrioen etter 4-2 over Arna Bjørnar. Rosenborg cruisa til 4-0 før pause, og let heimelaget redusere to gonger mot slutten.
Toppkampen mellom Brann og Vålerenga i Bergen går seinare på ettermiddagen.