Ei straffescoring av Harry Kane og eit Pierre-Emilie Højbjerg-skot som endra retning skilde Tottenham og Everton laurdag. Tottenham vann 2-0.
Eit kvarter etter pause gav Everton-keeper Jordan Pickford unødvendig retur på eit enkelt skot. Kane var på returen, og blei felt av Pickford.
Scoringa var Kanes 258. Han er berre åtte mål bak Jimmy Greaves, som er mestscorande for Tottenham med 266 mål på 60-talet. Kampen var også Kanes 400. for Tottenham.
Fem minutt før ordinær tid var ute smelte Højbjerg av frå 20 meter. Ballen toucha ein Everton-spelar og endra retning.
Første omgang var jamnspela, med dei største sjansane til Everton. Etter pause dominerte Tottenham.