Morten Kalvenes skal trene 1. divisjonsklubben Sogndal Fotball ut sesongen. Det melder klubben på sine nettsider.
Bergensaren tek over etter Tore André Flo som fekk sparken måndag.
– Då det vart klart at Flo ikkje ville forlenge avtalen, så sonderte vi marknaden. Kalvenes var soleklare førsteval, seier dagleg leiar Gisle Olsen til NRK.
Arbeidet med å tilsetje Kalvenes intensiverte då tapsrekka heldt fram. Sogndal står med sju kampar på utan siger, og nærmar seg nedrykk frå 1. divisjon.
Kalvenes har tidlegare trena Arna-Bjørnar sitt kvinnelag, samt vore assistenttrenar under Kjetil Knutsen i både Åsane og Bodø/Glimt. Han var også assistenttrenar under Per-Mathias Høgmo i japanske Urawa Red Diamonds.
Kalvenes leiar si første Sogndal-trening onsdag. Om han trenar klubben også neste sesong, avheng i stor grad av korleis årets sesong utviklar seg.