Kari Fasting blir heidra av Den internasjonale olympiske komiteen for innsatsen sin for å fremje kvinners interesser i idrett.
Fasting er tildelt IOC-prisen «IOC Women and Sport Award» for Europa i 2021.
Den internasjonale olympiske komiteen gir kvart år prisen til ein person eller organisasjon per kontinent. I tillegg blir det valt ein verdsvinnar som har gjort ein særskild innsats for å fremje kvinners interesser i idrett.
– På vegner av Idrettsstyret og norsk idrett vil eg gratulere Kari Fasting med denne prestisjetunge prisen. Dette er ei internasjonal anerkjenning av Fastings viktige arbeid for ein meir likestilt og rettferdig idrett, seier idrettspresident Berit Kjøll.