Handballklubbene Viking Stavanger og SIF handball legg rivaliseringa til side og går saman om ny elitesatsing frå neste sesong.
Det opplyser klubbene i ei felles pressemelding måndag.
Søndag møttest Viking Stavanger og SIF Håndball til lokaloppgjer i 1. divisjon. Det blei for aller siste gang.
– Vi har begge innsett at vi er sterkare saman, seier styreleiar i SIF Håndball, Mette Seglem Aasen.
– Dette er vår sjanse til å igjen gi regionen et elitelag i Noregs nest største idrett. Dette er vår moglegheit til å igjen starte ei epoke der Stavanger igjen blir Noregs fremste handballby, supplerer Viking-styreleiar, Tor Henrik Knutsen.
Viking Stavanger og SIF Håndball har også tidlegare samarbeidd. Den førre perioden starta i år 2000. Den gongen varte ekteskapet i ni år.
Etter at samarbeidet sprakk har klubbane levd side om side i Stavanger idrettshall. Dei har begge slite både økonomisk, sportsleg og organisatorisk. Nå blir stridane lagde til side.