Halvor Egner Granerud vart verande i Ruka for å trene etter å ha vorte einaste nordmann utan verdscuppoeng. No er han klar for revansj.
– Halvor ville gjerne trene ein dag i Ruka og vart igjen saman med Andreas Vilberg (trenar) for å gjennomføre to økter. Hoppinga såg lovande ut, og Halvor er meir trygg på seg sjølv, seier landslagstrenar Alexander Stöckl.
Granerud missa i begge kvalifiseringane i Finland.
– Helga baud på få hopp, og sjølv om vi til søndag hadde ei god løysing, fekk eg ikkje moglegheita til å sjå korleis det faktisk fungerte. Eg gler meg til Wisla, fulle tribunar og forhåpentleg ein fin revansj, seier Granerud.
Dei same sju hopparane som var i Ruka, får sjansen i Wisla i helga der det er lagkonkurranse laurdag og individuelt renn søndag.