Dei to storfavorittane USA og Canada gjekk greit til finalen i det nord- og mellomamerikanske fotballmeisterskapet for kvinner.
USA slo Costa Rica 3-0. Emily Sonnett og Mallory Pugh scora før pause, og Ashley Sanchez det siste på overtid.
Canada slo Jamaica, også med 3-0. Jessie Fleming i første omgang, Allysha Chapman og Adriana Leon i andre.
Finalen i meksikanske Monterrey går måndag. Vinnaren får også plass i OL i 2024. Alle fire semifinalistane er klare for neste års VM.