Korleis stoppe Erling Braut Haaland? Det er det store samtaleemnet i Slovenia om dagen. Det er Haaland-stoff nesten over alt i slovenske medium for tida.
Ei av Slovenias største aviser, Delo, fortel om detaljstyrte økter der Haaland får mykje merksemd. Landslagssjefen i slovenarane Matjaž Kek har drilla defensiven til laget i fleire dagar allereie.
– Han ønskjer å smi saman eit forsvar som skal stå imot «dei laserstyrte missila» Haaland har i beina. Kven skal stoppe snikskyttaren Haaland?, skriv Delo.
Slovenia heldt Noreg til 0–0 i Oslo i juni. Kek håpar same oppskrift skal rekke til eit godt resultat også på heimebane.