Lewis Hamiltons elleville statistikk står for fall. Briten har aldri i løpet av sin 15 år lange Formel 1-karriere gått ein sesong utan å vinne mist eitt løp.
– Vi må vere realistiske. Max Verstappen er nesten uslåeleg i denne Red Bull-bilen. Det skal mykje til for å slå han, sa den sju gonger verdensmeistaren, ifølgje sveitsiske Blick.
Hamilton står med to 2.-plassar frå Grand Prix-løypene i Frankrike og Ungarn som sine beste plasseringar etter 16 VM-rundar. Med fem løp igjen, kan Mercedes-føraren ende utan siger ved sesongslutt.
Hamilton står totalt med 103 sigrar og sju VM-titlar etter 15 år i Formel 1-sirkuset.
Ifølgje Hamilton er Red Bull overlegne når det gjeld yting i motoren.
– Vi treng mykje flaks for å kunne slå dei. Max køyrer veldig roleg framme, og ein veit aldri kor fort de faktisk kan køyre, sa Hamilton.