Verdseinar Novak Djokovic går hardt ut mot Wimbledon-arrangør All England Clubs avgjerd om å stenge ute russarar og kviterussarar frå tennisturneringa.
Serbaren seier at han alltid vil fordømme krig, men at det er urettferdig å nekte utøvarar deltaking i den prestisjetunge turneringa.
– Spelarane har ingenting med krigen å gjere. Det er ikkje bra når politikk involverer seg i sport, seier han ifølgje AFP.
Onsdag blei det klart at utøvarar frå Russland og Kviterussland ikkje får ta del i årets Wimbledon-turnering. Bakgrunnen er landa sin involvering i den pågåande krigen i Ukraina.
Onsdag kritiserte også tennisorganisasjonen ATP Wimbledon-vedtaket.