Med 2-0 over El Salvador er Canada nesten klar for sitt første fotball-VM på 36 år. To poeng på dei siste tre kampane er det som trengst. Atiba Hutchinson og Jonathan David scora måla i andre omgang.
Favorittane USA og Mexico ser ut til å slå følgje, og ligg begge fire poeng bak Canada. USA hadde ingen problem med Honduras, som blei slått med 3-0. Weston McKennie, Walker Zimmerman og Christian Pulisic scora.
Mexico hadde meir trøbbel mot Panama, men vann 1-0. Raoul Jimenez scora på straffe ti minutt før slutt.
Panama held fjerdeplassen som gir omspel, men er pressa av Costa Rica, som slo Jamaica 1-0.
Dei tre siste og avgjerande rundane blir spela i slutten av mars.