Då Brøndby møtte skotske Rangers til kamp i europaligaen i København torsdag, var det fleire tilreisande skottar som ikkje slapp inn.
Årsak: Dei hadde kjøpt billettar til Brøndbys kamp mot Randers, ikkje Rangers, skriv Glasgow Times.
Dei hadde ikkje fått med seg at i den danske superligaen spelar eit lag som heiter Randers, og som skal møte Brøndby i Superligaen seinare denne månaden.
Brøndby tilbyr no dei som tok feil av namna, å få refunert billettkostnadene.
Men kampen fekk dei ikkje sjå.
Men det var ikkje det som var årsaka til alt bråket rundt kampen. Fleire hadde ved ein feil også fått billett til heimelagets seksjonar, og slapp ikkje inn. Dei får også refundert billettane.