Påtalemyndigheita i Spania etterforskar Barcelona for å ha betalt 15,2 millionar til eit selskap som var eigd av ein person i spansk dommarkomité, skriv NTB.
Ifølgje den spanske radiokanalen radio Cadena SER skal utbetalingane ha skjedd til eit selskap eigd av Jose Maria Enriquez Negreira i tidsrommet 2016-2018. Då var Negreira visepresident for ein dommarkomité i Det spanske fotballforbundet.
Barcelona er klar over etterforskinga og ifølgje Reuters forklara dei seg med at ein ekstern konsulent forsynte klubben med tekniske rapportar relatert til proffdømming
Spansk media opplys om at etterforskinga skal allereie ha starta i 2022. Dette etter at skattemyndigheitene ikkje hadde funne noko informasjon eller tenester levert til klubben som samsvarer med dei 15,2 millionane som blei utbetalt.
Cadena SER har sitert Enriquez Negreira på at råda han gav klubben var av munnleg karakter og handlar om spelaranes interaksjonar med dommarar. Han nektar for å nokon gong ha favorisert Barcelona i nokon dommaravgjersler.