Bayern München-trenar Julian Nagelsmann sa nyleg at at han ikkje skjønar korleis Barcelona kan kjøpe nye spelarar. No svarer Barcelona-presidenten.
– Det er sant at vi for eit år sidan var i ein kritisk situasjon, men vi er ein 122 år gammal klubb med svært store eigedelar. Dei er ikkje klar over styrken og støtta som denne klubben har, seier Barcelona-president Joan Laporta, ifølgje spanske AS.
Nagelsmann sa at det er «sprøtt» korleis Barcelona held fram med å signere spelarar trass i den økonomiske situasjonen deira.
– Den einaste klubben som ikkje har pengar, men kjøper alle spelarar dei ønskjer, sa Nagelsmann, ifølgje Bilds sjefskribent Tobi Altschäffl på Twitter.
Barcelona har signert fem nye spelarar denne sesongen: Robert Lewandowski, Raphinha, Jules Koundé, Andreas Christensen og Franck Kessie. Til saman har dei kosta over 1,5 milliardar kroner, ifølgje Transfermarkt.