Manchester City-manager Pep Guardiola vil ikkje love at Erling Braut Haaland spelar i bortekampen mot FC København i meisterligaen i kveld, skriv Planet Sport.
Det har blitt spekulert i om Haaland skal få kvile framfor storkampen i ligaen mot Liverpool søndag.
Guardiola vil ikkje uttale seg meir om laget til kampen i kveld.
– Eg tenkjer ikkje berre på å kvile spelarar, men også på å involvere alle spelarane, sa Guardiola på pressekonferansen måndag.
City slo FCK 5-0 i heimekampen i førre veke. Då scora Haaland to mål før han blei skifta ut frå starten av andre omgang.
City vil allereie vere klar for sluttspelet om dei vinn i København i kveld.