Viktor Hovland fullførte med to slag over par og ligg på 55.-plass etter første dag av PGA-turneringa i Delaware.
Nordmannen opna sterkt med ein birdie alt på det første holet, men deretter blei det tyngre for han.
Hovland slo bogey på både hol 5, 6, 11 og 12. Sjølv om han greidde ein birdie til, på hol 14, ligg han med to slag over par langt bak teten etter første dag av turneringa.
Turneringa i Delaware er den andre av tre i PGA-sluttspelet. Hovland må truleg ha ei topplassering for å ha sjanse til å vinne poengrankinga ved sesongslutt neste helg.
Amerikanske Keegan Bradley leier turneringa på sju slag under par.