Det vart svært dramatisk då Estland vann 3–2 borte mot Moldova i VM-kvalifiseringa tysdag.
Laga er i same kvalifiseringsgruppe som Noreg, Israel og Italia.
Moldovas Maxim Cojocaru fekk direkte raudt kort allereie i det femte minutt. Før halvtimen var spelt var bortelaget Estland oppe i 2–0 etter scoringar av Rasmus Peetson og Rauno Sappinen.
Like etter pause fekk Estlands Kevor Palumets sitt andre gule kort og måtte forlate bana. Med ti mot ti på bana reduserte Ion Nicolaescu for heimelaget midt i omgangen.
I det 70. minutt gjekk derimot Estland opp i 3–1 ved Mattias Käit. Men sidan VAR skulle sjå på målet tok det fleire minutt før det vart ståande.
På overtid reduserte Moldovas Mihail Caimacov på eit kremmarhus av eit frispark. Trass i sterkt Moldova-press på slutten heldt Estland unna og vann 3–2 i Chișinău.
Estland er dermed oppe i tre poeng etter to kampar, medan Moldova framleis er poenglause.