Kvartfinalen i Roland-Garros mellom Casper Ruud og danske Holger Rune kan bli ein thriller som strekkjer seg ut i dei seine nattetimane onsdag.
Den skandinaviske duellen er sett opp som kamp fire på hovudbanen Philippe Chatrier med starttidspunkt «ikkje tidlegare enn 20.45». Philippe-Chatrier tek omkring 15.000 tilskodarar.
Ruud spelar sin første kvartfinale i Grand Slam-samanheng.
Kampen før er kvartfinalen mellom Andrej Rubljov og Marin Cilic.
Dei to andre kvartfinalane blir spelte slik: Alexander Zverev – Carlos Alcaraz, Novak Djokovic – Rafael Nadal.