Paulo Dybala risikerer å gå glipp av fotball-VM for Argentina etter at han pådrog seg ein skade då han skaut eit straffespark.
Han skadde ein lårmuskel då han avgjorde for Roma mot Lecce søndag. Argentinaren halta medan lagkameratane feira sigeren.
– Eg er ingen lege, men ut frå mi erfaring og etter å ha snakka med Paulo, ser det vanskeleg ut for han med meir spel dette året, seier Roma-trener José Mourinho.
Dybala skal gjennom ein omfattande legekontroll tysdag.
VM startar 20. november. Argentina har over 30 kampar utan tap og er ein av sigerskandidatane i meisterskapen.
Argentina blei sist verdsmeister i 1986.