Noregs kvinnelandslag i curling fekk ein god start på VM-kvalifiseringa med 10–1 over vertsnasjonen Finland.
Det norske laget skulle etter oppsettet møte Tsjekkia seinare tysdag, men den kampen fall bort etter at to tsjekkiske spelarar avga positive koronaprøver då dei kom til til Finland, og resten av laget hamna i karantene. Dermed forsvann ein av favorittane.
På laget i kvalifiseringa spelar Martine Rønning, Eirin Mesloe, Mille Haslev Nordbye og skip Marianne Rørvik.
Kristin Skaslien spelte på laget som sikra opprykk til A-gruppa i EM, men ho prioriterer opplading til OL-turneringa i miks-dobbel og blir erstatta i kvalifiseringa av Mesloe.
Seks lag deltar i kvalifiseringa, og dei to beste går til VM i Canada i mars.