Den britiske veteranen Mark Cavendish (36) skal sykle Giro d’Italia, som startar fredag, melder Quick-Ste-laget.
Det gjer det mindre truleg at han startar i Tour de France seinare i sommar. Der deler han rekorden i talet på etappesigrar med legenda Eddy Merckx. Begge har 34 sigrar.
Det belgiske laget spesialiserer seg på etappesigrar i staden for å jakte samanlagtsigrar, og har tidlegare sagt at Fabio Jakobsen blir deira førsteval i Touren, framfor Cavendish.
– Men i Italia er han vår mann på dei flate spurtetappane, seier sportsdirektør Davide Bramati.
Cavendish har tidlegare vunne 15 etappar i Giroen.
Fleire andre av dei beste spurtarane skal delta i Giro d’Italia, mellom andre Caleb Ewan og Arnaud Démare.